មន្ត្រីយោធាកងទ័ពអាកាសម្នាក់ គ្រោះថ្នាក់ចរាចរណ៍ស្លាប់ នៅសង្កាត់សំរោងក្រោម
16-December-2015 | ដោយ មួយឡា
ភ្នំពេញ៖ នាវេលាម៉ោង១១និង៣០នាទីយប់ ថ្ងៃ១៥ ខែធ្នូ ឆ្នាំ២០១៥ មានករណីគ្រោះថ្នាក់ចរាចរណ៍រវាងម៉ូតូបុកនឹងម៉ូតូបានបណ្ដាលឲ្យបុរសម្នាក់ខ្ទាតចេញពីម៉ូតូប្រមាណ១០ម៉ែត្រនិងស្លាប់ភ្លាមៗ ម៉ូតូរបស់ជនរងគ្រោះម៉ាក គុបចង្កៀងជ្រុង និងម៉ូតូ១ជនបង្ក ម៉ាកសង់កូរ៉េពណ៍ក្រហម តែត្រូវម្ចាស់កាច់ស្លាកលេខរត់គេចខ្លួនបាត់ នៅត្រង់ចំណុចផ្លូវវត្តពោធិ៍ ភូមិអករំដួល សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
យោងតាមការរាយការណ៍របស់ប្រជាពរដ្ឋក្រោយពេលកើតហេតុបានឲ្យដឹងថា នៅពេលធ្វើដំណើរតាមផ្លូវ នៅវេលាម៉ោងប្រហែលជាង១២យប់រំលងអធ្រាត្រឈានចូលថ្ងៃទី ១៦ ខែធ្នូ ឆ្នាំ២០១៥ បានប្រទះឃើញសាកសពបុរសម្នាក់ដេកស្ដូកព្រមទាំងមានព្រនង់១នៅក្បែរ ហើយនៅលើផ្លូវមានឃើញម៉ូតូ២គ្រឿង ១គ្រឿងម៉ាក់គុបចង្កៀងជ្រុង និង១គ្រឿងទៀតម៉ាកសង់កូរ៉េពណ៍ក្រហម តែកាច់ស្លាកលេខ ប្រជាពលរដ្ឋនឹកស្មានថា ជាអំពើឃាតកម្ម ទើបរាយការណ៍ទៅសមត្ថកិច្ចជំនាញមកពិនិត្យ ។
បន្ទាប់ពីសមត្ថកិច្ចធ្វើការពិនិត្យវាស់វែង លទ្ធផលពិនិត្យបានឲ្យដឹងថា ជនរងគ្រោះមានឈ្មោះ សែន សុភ័ក្ត្រ ភេទប្រុស អាយុ២២ ឆ្នាំ មានតួនាទីជាយោធាកងទ័ពអាកាស មានស្រុកកំណើតនៅស្រុកទ្រាំង ខេត្តតាកែវ ហើយជនរងគ្រោះបានស្លាប់ដោយសារម៉ូតូបុកផ្លោងចំដើមទ្រូង ខ្ទាតចេញពីផ្លូវទើបបណ្ដាឲ្យស្លាប់មិនមែនស្លាប់ដោយសារអំពើឃាតកម្មឡើយ ។
បច្ចុប្បន្នសពជនរងគ្រោះត្រូវបានបងប្អូនយកទៅធ្វើបុណ្យតាមប្រពៃណី ចំណែកម៉ូតូត្រូវសមត្ថកិច្ចយកទៅរក្សាទុក នៅអធិការខណ្ឌពោធិ៍សែនជ័យ និងតាមស្វែងរកម្ចាស់ម៉ូតូសង់កូរ៉េពណ៍ក្រហមដែលកាច់ស្លាកលេខរត់គេចខ្លួនមកធ្វើការបកស្រាយបំភ្លឺចងក្រងសំណុំរឿងតាមនិតិវិធីច្បាប់៕
ចំនួនអ្នកទស្សនា
- ថ្ងៃនេះ761
- ម្សិលមិញ3021
- សប្តាហ៍នេះ3791
- ខែនេះ49891
- ឆ្នាំនេះ386151
- សរុប19613597